माहिती लाडक्या गणेशाची

का वाहतात गणपतीला दूर्वा – Why Lord Ganesha Loves “Durva”

गणपतीला दुर्वांची जुडी अतिशय प्रिय आहे दूर्वा वाहिली की गणपती लवकर प्रसन्न होतो.

गणपतीला दुर्वा खूपच प्रिय आहेत. एकवीस दुर्वांची मिळून केलेली जुडी गणपतीला अर्पण केली जाते.

गणपतीच्या डोक्यावर दुर्वा वाहतात यामागे एक कथा प्रसिद्ध आहे ती अशी, की ऋषी मुनी आणि देवता यांना महाभयानक अशा अनलासूर नावाच्या (अनल अर्थात अग्नी) राक्षसाने त्रास द्यायला सुरुवात केली होती. मग देवतांच्या विनंतीनंतर गणेशजींनी त्या असूराला गिळून टाकले, ज्यामुळे गणेशाच्या पोटात जळजळ होऊ लागली.  तेव्हा ऋषि मुनींनी प्रत्येकी २१ अशा हिरव्यागार दुर्वांच्या जुड्या गणरायाच्या मस्तकावर ठेवल्या आणि कश्यप ऋषींनी दुर्वांच्या २१ जुडी गणेशाला खाण्यास दिली. या मुळे अथक प्रयत्नानंतरही गणेशाच्या पोटातली न थांबलेली जळजळ कमी झाली. त्यावेळी, यापुढे मला दुर्वा अर्पण करणाऱ्यास हजारो यज्ञ, व्रते, दान व तीर्थयात्रा केल्याचे पुण्य मिळेल, असे गणराय म्हणाला होता. म्हणून गणपतीला दुर्वा वाहिल्या जातात.