आनंदयात्री

कसे वाचतात आयुष्य जगतांना,

कसे वाचतात अंधारात एकमेकांना,

कसे नाचतात मोर बघून जलधारांना 

कसे अनुभवावे या लघु आनंद क्षणांना

येतेच ती वाट वळणाची

आयुष्यात या चालतांना

आयुष्यातच मिळते आठवण

आयुष्य आपले वाचतांना

आलाच आहे तर जगून घे

आयुष्य आपले उगा सरताना

दुःखाचे क्षण तेही पिऊन घे

आयुष्यात सुख शोधताना

असे वाचतात आयुष्य

मनातून मनाने जगताना

असे वाचतात भाव मनातले

अंधारात सोबत चालताना

क्षणातच मिळतो आनंद येथे

जगी दुःखाचे पर्वत असताना

म्हणून नाचतो मोर बहुधा

नभी बघून जलधारांना