हे शुभ संकेत लक्षात घ्या ..
अनेक लोकांसोबत असे घडते की, कपडे घालताना खिशातून पैसे पडतात.
तसं पाहायला गेलं तर ही सामान्य घटना आहे.
परंतु ज्योतिषच्या शकुन-अपशकुन शास्त्रामध्ये हे अत्यंत शुभ मानले जाते.
शकुन शास्त्र ज्योतिषमधील एक सहायक ग्रंथ मानला जातो.
आजही कुठे न कुठेे या गोष्टींचे अस्तित्व आहे. या
असेच काही संकेत आज आम्ही तुम्हाला येथे सांगत आहोत.
१)खिशातून नाणे खाली पडणे :
कपडे घालताना खिशातून नाणे पडणे हा शुभ संकेत आहे. तुम्हाला भविष्यात धनलाभाची संधी मिळू शकते, यासाठी तयार राहावे.
२)घरातील नारळ आपोआप तडकणे :
घरामध्ये एखादे नारळ ठेवलेले असली आणि त्याला आपोआप तडा गेल्यास समजावे की, घरातील नकारात्मक ऊर्जा नारळाने शोषून घेतली आहे. तुम्हाला आता कोणतीही अडचण येणार नाही.
३)घरामध्ये आपोआप तुळस उगवणे :
तुमच्या घरातील बागेत आपोआप तुळशीचे रोप उगवले तर हा शुभ संकेत समजावा. घरामध्ये भगवान विष्णू आणि लक्ष्मीचा वास राहणार असल्याचे समजावे.
४)आपोआप दुर्वा उगवणे :
घरातील बागेमध्ये दुर्वा (श्रीगणेशाला अर्पण करण्यात येणारे एक गवत) उगवल्यास समजावे की घरामध्ये आता कोणत्याही कामात अडथळे येणार नाहीत.
५)घरामध्ये मध पडणे :
घरामध्ये मधाचे भांडे फुटून मध फरशीवर पसरल्यास समजावे की, घरामध्ये आता कोणतीही निगेटिव्हएनर्जी राहिलेली नाही. घरामध्ये एखादे मंगलकार्य होऊ शकते.”
काही घटनांबाबत शुभ संकेत,
घटनांचा आणि मनुष्याचा आपसात फार जवळचा संबंध असतो. हे वेळे अनुसार व्यक्ती सोबत घडत असते. यापैकी अनेक घटना जीवनामध्ये सुख घेऊन येतात तर अनेक घटना समस्यांची चाहूल करून देतात. आपण बहुतेक वेळा आपल्या आयुष्यात होणाऱ्या घटनांना सामान्य पणे घेतो आणि त्यांच्याकडे दुर्लक्ष करतो. यापैकी अनेक घटना आपल्याला भविष्यात घटणाऱ्या गोष्टींचा संकेत देत असतात.
आजच्या या पोस्ट मध्ये अश्या काही परिस्थिती बद्दल म्हणजेच घटनांबद्दल काय संकेत असतात हे आपण जाणून घेऊ. या घटना भविष्यात घडणाऱ्या चांगल्या गोष्टीचे संकेत मानले जातात.
या घटना आपल्या समोर कोणत्याही रूपाने समोर येऊ शकतात पण वेळीच यांना ओळखणे महत्वाचे आहे. या घटना आपल्यासाठी कधी शुभ असतात तर कधी अशुभ असतात. या घटना आपल्या जीवनाला प्रभावित करतात.
तर चला जाणून घेऊ चांगल्या भविष्याचे किंवा चांगला काळ सुरु होण्याचे ईश्वर आपल्याला काय संकेत देतो.
१) चिमणीचे घरात घरटे बनवणे
चिमणी ने आपल्याला घरामध्ये घरटे बनवणे शुभ मानले जाते. असे मानले जाते कि जेव्हा चिमणी घरामध्ये घरटे बांधून तेथे आपले पिल्ले जन्माला घालते तर हे घरामध्ये अनेक आनंद येण्याचे प्रतीक आहे. या संकेता नंतर काही काळातच आपल्याला अनेक शुभ समाचार मिळण्यास सुरुवात आहोत आणि घरा पासून संकटे दूर राहतात. त्यामुळे चिमणीचे आपल्या घरा मध्ये घरटे करणे चांगला संकेत मानला जातो.
२)सकाळच्या वेळी मांजरीचे पिल्ले दिसणे
सकाळी उठल्यावर जर आपल्याला काही खुशखबर मिळाली तर आपला पूर्ण दिवस आनंदात जातो तर एखाद्या व्यक्तीला सकाळी उठल्यावर मांजरीचे पिल्ले नजरेस पडली तर हे त्याच्या आणि कुटुंबासाठी हा शुभ संकेत आहे. जर आपल्या सोबत असे घडले तर असे समजावे कि आपला चांगला काळ लवकरच सुरु होणार आहे.
३) मुंग्याचे समूहात दिसणेमुंग्या एवढी मेहनत कदाचित कोणीही करत नसेल. त्याच सोबत मुंग्या एकतेचे प्रतीक देखील मानले जाते त्यांना अनेक वेळा समूहाने एका लाईन मध्ये चालताना आपण पाहिले असेल. जर आपल्या घरामध्ये काळ्या मुंग्याचा समूह दिसला तर हे आपल्यासाठी शुभ काळाचे संकेत आहेत. या संकेताचा अर्थ आपल्या आयुष्यात लवकरच खुशखबर येणार आहे आणि यश मिळण्यासोबतच धनप्राप्ती देखील होणार आहे.
इतर काही शुभ संकेत
एखादी वस्तू किंवा एखादी गोष्ट पटकन आपल्या समोर येऊन निघून जाते. आपलं त्या वस्तूकडे फारसं लक्षही नसतं. पण बऱ्याचदा या वस्तू समोर दिसल्यामुळे येत्या काही काळात काहीतरी चांगलं घडणार असतं. त्याचे ते संकेत असतात. आता हा मानण्यातला भाग असला तरी पूर्वजांनी जे लिहून ठेवलंय त्यानुसार काही वस्तू, काही गोष्टी दिसल्या तर त्या शुभ मानल्या गेल्या आहेत. त्यांचाच हा परामर्श…
१) रस्त्यात पांढरी गाय दिसणं शुभ मानलं जातं. हिंदू धर्मात गायीला आईचा दर्जा दिलेला आहे. गाय आर्थिक सुदृढीकरणाचं प्रतीक आहे. त्यामुळे कोठेही सफेद गाय दिसली तर ते साक्षात लक्ष्मीचं दर्शन झाल्याचं समजलं जातं.
२) सकाळी उठल्याबरोबर जर नारळ म्हणजेच श्रीफळाचं दर्शन झालं तर एखादी चांगली किंवा गोड बातमी येणार आहे असे ते संकेत असतात. कारण नारळाला हिंदुस्थानच्या सामाजिक परंपरेत शुभ मानलं जातं.
३) प्रवास करतानाही काही शुभ संकेत असतात. पण ते आपल्या लक्षात येत नाहीत. कधी प्रवासाला निघालात आणि उजव्या बाजूने माकड, कुत्रा किंवा साप दिसला तर तो आर्थिक फायदा होण्याचा संकेत मानला जातो.
४) सोनेरी साप दिसणंही चांगलं असतं म्हणे. रात्री झोपतांना जर पांढरा किंवा सोनेरी रंगाचा साप दिसला तर तो एक शुभ संकेत असल्याचं मानायला काहीच हरकत नाही. काहीजणांना याचा चांगला अनुभव आलाय.
५) हिरवा निसर्ग डोळे भरून पाहायला कुणालाही आवडेल. पण हाच निसर्ग जर स्वप्नात दिसला, म्हणजे स्वप्नात एखादे नैसर्गिक चित्र दिसले तरीही तेशुभ मानलं जातं. त्यातूनही हा हिरवेगारपणा जर पाण्याच्या ठिकाणी दिसला तर ते त्याहूनही शुभ मानलं गेलं आहे.
kup chan mahit ahe