तेही दिवस येतील – औरंगाबाद स्पेशल

क्रांती चौकात थाटात शिवजयंती साजरी करणार,
राजांना आपल्या नवीन रुपात मुजरा करणार.
भीमजयंती सुद्धा जोरात गाजनार,
जल्लोष साऱ्या आसमंतात दुमदुमनार.

करू साजरी गुलमंडीवर धुळवड.,
सध्या तरी घरी राहणे हीच योग्य निवड.
सण सर्व साजरे होतीलच हो,
जरा या कोरोनातुन मिळू द्या सवड.

पुन्हा खाऊया आवडीने श्री चे पोहे,
बरकत चा चहा, उस्मान भाईचे भजे.
उत्तमची मिठाई आणि गायत्री ची चाट,
फक्त योग्य दिवसाची सध्या पाहूया वाट.

सिटीत जाऊन मनसोक्त खरेदी करू,
आपली आवडती घासाघीस, तीही परत होईलच सुरू.
पुन्हा सिद्धार्थ गार्डन ला जाऊन एकत्रित फिरू,
सगळं ठीक आहे, फक्त आता घाई नका करू.

गणरायाचा जल्लोष विचारू नका,
डोक्यावर घ्यायला त्याला विसरू नका.
मिरवणुकीत गणरायाच्या पुन्हा करू गर्दी,
फक्त आता त्याची प्रार्थना तेवढी सोडू नका.

कर्णपुरा जत्रा पुन्हा गर्दीचा रेकॉर्ड मोडेल,
सगळी निगेटिव्हीटी जनता देवी जवळ सोडेल.
पुन्हा आनंदाचा फवारा नक्की उडेल,
सध्या मात्र आपल्याला संयमाची गरज पडेल.

दसऱ्याला प्रत्येक घरी यंदा मुद्दाम जाऊ,
पुन्हा आशीर्वाद घेऊ, गळाभेटही घेऊ.
दिवाळीला फटाके फोडू, गोड – धोड खाऊ,
हा कोरोना जाईलच, तोवर मात्र घरातच राहू.

मनातले आपले सर्व संकल्प नक्की पूर्ण होतील,
सध्याचे क्षण सुद्धा काही आठवणी देऊन जातील.
जातील आताचे वाईट दिवस जातील,
तेही आनंदाचे दिवस लवकरच येतील….

निलेश दिलीपराव झाल्टे.

माझ्या नावा सहित पोस्ट शेर करू शकता…👍